tlg0012.tlg001.ludwich1902.06-text.xml

<?xml version="1.0" encoding="UTF-8"?>
<?xml-model href="https://epidoc.stoa.org/schema/latest/tei-epidoc.rng" schematypens="http://relaxng.org/ns/structure/1.0"?>

<TEI  xmlns="http://www.tei-c.org/ns/1.0">
    <teiHeader>
        <fileDesc>
         <titleStmt>
          <title>
       <!-- title of the resource -->
          </title>
         </titleStmt>
         <publicationStmt>
          <p>
       <!-- Information about distribution of the resource -->
          </p>
         </publicationStmt>
         <sourceDesc>
          <p>
       <!-- Information about source from which the resource derives -->
          </p>
         </sourceDesc>
        </fileDesc>
       </teiHeader>
    <text>
        <body>
            
            <pb n="244"/>
<l n="1">Τρώων δ᾽ οἰώθη καὶ Ἀχαιῶν φύλοπις αἰνή·</l>
<l n="2">πολλὰ δ᾽ ἄρ᾽ ἔνθα καὶ ἔνθ᾽ ἴθυσε μάχη πεδίοιο</l>
<l n="3">ἀλλήλων ἰθυνομένων χαλκήρεα δοῦρα</l>
<pb n="245"/>
<l n="4">μεσσηγὺς Σιμόεντος ἰδὲ Ξάνθοιο ῥοάων.</l>
<l n="5">Αἴας δὲ πρῶτος Τελαμώνιος, ἕρκος Ἀχαιῶν,</l>
<l n="6">Τρώων ῥῆξε φάλαγγα, φόως δ᾽ ἑτάροισιν ἔθηκεν,</l>
<l n="7">ἄνδρα βαλών, ὃς ἄριστος ἐνὶ Θρήκεσσι τέτυκτο,</l>
<l n="8">υἱὸν Ἐυσσώρου, Ἀκάμαντ᾽ ἠύν τε μέγαν τε.</l>
<l n="9">τόν ῥ᾽ ἔβαλε πρῶτος κόρυθος φάλον ἱπποδασείης.</l>
<l n="10">ἐν δὲ μετώπῳ πῆξε, πέρησε δ᾽ ἄρ᾽ ὀστέον εἴσω</l>
<l n="11">αἰχμὴ χαλκείη· τὸν δὲ σκότος ὄσσε κάλυψεν.</l>
<l n="12">Ἄξυλον δ᾽ ἄρ᾽ ἔπεφνε βοὴν ἀγαθὸς Διομήδης</l>
<l n="13">Τευθρανίδην, ὃς ἔναιεν ἐυκτιμένῃ ἐν Ἀρίσβῃ</l>
<l n="14">ἀφνειὸς βιότοιο, φίλος δ᾽ ἦν ἀνθρώποισι·</l>
<l n="15">πάντας γὰρ φιλέεσκεν ὁδῷ ἔπι οἰκία ναίων.</l>
<l n="16">ἀλλά οἱ οὔ τις τῶν γε τότ᾽ ἤρκεσε λυγρὸν ὄλεθρον </l>
<pb n="246"/>
<l n="17">πρόσθεν ὑπαντιάσας, ἀλλ᾽ ἄμφω θυμὸν ἀπηύρα,</l>
<l n="18">αὐτὸν καὶ θεράποντα Καλήσιον, ὅς ῥὰ τόθ᾽ ἵππων</l>
<l n="19">ἔσκεν ὑφηνίοχος· τὼ δ᾽ ἄμφω γαῖαν ἐδύτην.</l>
<l n="20">Δρῆσον δ᾽ Εὐρύαλος καὶ Ὀφέλτιον ἐξενάριξε·</l>
<l n="21">βῆ δὲ μετ᾽ Αἴσηπον καὶ Πήδασον, οὕς ποτε νύμφη</l>
<l n="22">Νηὶς Ἀβαρβαρέη τέκ᾽ ἀμύμονι Βουκολίωνι.</l>
<l n="23">Βουκολίων δ᾽ ἦν υἱὸς ἀγαυοῦ Μαομέδοντος</l>
<l n="24">πρεσβύτατος γενεῇ, σκότιον δέ ἑ γείνατο μήτηρ·</l>
<l n="25">ποιμαίνων δ᾽ ἐπ᾽ ὄεσσι μίγη φιλότητι καὶ εὐνῇ,</l>
<l n="26">ἡ δ᾽ ὑποκυσαμένη διδυμάονε γείνατο παῖδε.</l>
<l n="27">καὶ μὲν τῶν ὑπέλυσε μένος καὶ φαίδιμα γυῖα</l>
<l n="28">Μηκιστηιάδης καὶ ἀπ᾽ ὥμων τεύχε᾽ ἐσύλα.</l>
<l n="29">Ἀστύαλον δ᾽ ἄρ᾽ ἔπεφνε μενεπτόλεμος Πολυποίτης·</l>
<l n="30">Πιδύτην δ᾽ Ὀδυσεὺς Περκώσιον ἐξενάριξεν</l>
<l n="31">ἔγχεϊ χαλκείῳ, Τεῦκρος δ᾽ Ἀρετάονα δῖον.</l>
<pb n="247"/>
<l n="32">Αντίλοχος δ᾽ Ἄβληρον ἐνήρατο δουρὶ φαεινῷ</l>
<l n="33">Νεστορίδης, Ἔλατον δὲ ἄναξ ἀνδρῶν Ἀγαμέμνων·</l>
<l n="34">ναῖε δὲ Σατνιόεντος ἐυρρείταο παρ᾽ ὄχθας</l>
<l n="35">Πήδασον αἰπεινήν. Φύλακον δ᾽ ἕλε Λήιτος ἥρως</l>
<l n="36">φεύγοντ᾽· Εὐρύπυλος δὲ Μελάνθιον ἐξενάριξεν.</l>
<l n="37">Ἄδρηστον δ᾽ ἄρ᾽ ἔπειτα βοὴν ἀγαθὺς Μενέλαος</l>
<l n="38">ζωὸν ἕλ᾽· ἵππω γάρ οἱ ἀτυζομένω πεδίοιο,</l>
<l n="39">ὄζῳ ἔνι βλαφθέντε μυρικίνῳ, ἀγκύλον ἅρμα</l>
<l n="40">ἄξαντ᾽ ἐν πρώτῳ ῥυμῷ αὐτὼ μὲν ἐβήτην</l>
<l n="41">πρὸς πόλιν, ᾗ περ οἱ ἄλλοι ἀτυζόμενοι φοβέοντο,</l>
<l n="42">αὐτὸς δ᾽ ἐκ δίφροιο παρὰ τροχὸν ἐξεκυλίσθη</l>
<l n="43">πρηνὴς ἐν κονίῃσιν ἐπὶ στόμα. πὰρ δέ οἱ ἔστη</l>
<l n="44">Ἄτρείδης Μενέλαος ἔχων δολιχύσκιον ἔγχος.</l>
<l n="45">Ἄδρηστος δ᾽ ἄρ᾽ ἔπειτα λαβὼν ἐλλίσσετο γούνων· </l>
<pb n="248"/>
<l n="46">"ζώγρει, Ἀτρέος υἱέ, σὺ δ' ἄξια δέξαι ἄποινα.</l>
<l n="47">πολλὰ δ᾽ ἐν ἀφνειοῦ πατρὸς κειμήλια κεῖται,</l>
<l n="48">χαλκός τε χρυσός τε πολύκμητός τε σίδηρος·</l>
<l n="49">τῶν κέν τοι χαρίσαιτο πατὴρ ἀπερείσι᾽ ἄποινα,</l>
<l n="50">εἴ κεν ἐμὲ ζωὸν πεπύθοιτ᾽ ἐπὶ νηυσὶν Ἀχαιῶν."</l>
<l n="51">ὡς φάτο, τῷ δ᾽ ἄρα θυμὸν ἐνὶ στήθεσσιν ἔπειθε.</l>
<l n="52">καὶ δή μιν τάχ᾽ ἔμελλε θοὰς ἐπὶ νῆας Ἀχαιῶν</l>
<l n="53">δώσειν ᾧ θεράποντι καταξέμεν· ἀλλ᾽ Ἀγαμέμνων</l>
<l n="54">ἀντίος ἦλθε θέων καὶ ὁμοκλήσας ἔπος ηὔδα·</l>
<l n="55">"ὦ πέπον, ὦ Μενέλαε, τί ἢ δὲ σὺ κήδεαι οὕτως</l>
<l n="56">ἀνδρῶν; ἦ σοὶ ἄριστα πεποίηται κατὰ οἶκον</l>
<l n="57">πρὸς Τρώων. τῶν μή τις ὑπεκφύγοι αἰπὺν ὄλεθρον</l>
<l n="58">χεῖράς θ' ἡμετέρας, μηδ᾽ ὅν τινα γαστέρι μήτηρ</l>
<l n="59">κοῦρον ἐόντα φέροι, μηδ᾽ ὃς φύγοι, ἀλλ᾽ ἅμα πάντες</l>
<pb n="249"/>
<l n="60">Ἰλίου ἐξαπολοίατ᾽ ἀκήδεστοι καὶ ἄφαντοι."</l>
<l n="61">ὡς εἰπὼν παρέπεισεν ἀδελφειοῦ φρένας ἥρως,</l>
<l n="62">αἴσιμα παρειπών· ὁ δ᾽ ἀπὸ ἕθεν ὤσατο χειρὶ</l>
<l n="63">ἥρω᾽ Ἄδρηστον. τὸν δὲ κρείων Ἀγαμέμνων</l>
<l n="64">οὖτα κατὰ λαπάρην· ὁ δ᾽ ἀνετράπετ᾽, Ἀτρείδης δὲ</l>
<l n="65">λὰξ ἐν στήθεσι βὰς ἐξέσπασε μείλινον ἔγχος.</l>
<l n="66">Νέστωρ δ᾽ Ἀργείοισιν ἐκέκλετο μακρὸν ἀύσας·</l>
<l n="67">ὦ φίλοι ἥρωες Δαναοί, θεράποντες Ἄρηος,</l>
<l n="68">μή τις νῦν ἐνάρων ἐπιβαλλόμενος μετόπισθε</l>
<l n="69">μιμνέτω, ὥς κε πλεῖστα φέρων ἐπὶ νῆας ἴκηται.</l>
<l n="70">ἀλλ᾽ ἄνδρας κτείνωμεν· ἔπειτα δὲ καὶ τὰ ἕκηλοι</l>
<l n="71">νεκροὺς ἂμ πεδίον συλήσετε τεθνηῶτας."</l>
<l n="72">ὡς εἰπὼν ὥτρυνε μένος καὶ θυμὸν ἑκάστου.</l>
<l n="73">ἔνθά κεν αὖτε Τρῶες Ἀρηιφίλων ὑπ᾽ Ἀχαιῶν</l>
<l n="74">Ἴλιον εἰσανέβησαν ἀναλκείῃσι δαμέντες,</l>
<pb n="250"/>
<l n="75">εἰ μὴ ἄρ᾽ Αἰνείᾳ τε καὶ Ἕκτορι εἶπε παραστὰς</l>
<l n="76">Πριαμίδης Ἕλενος, οἰωνοπόλων ὄχ᾽ ἄριστος·</l>
<l n="77">"Αἱνεία τε καὶ Ἕκτορ, ἐπεὶ πόνος ὕμμι μάλιστα</l>
<l n="78">Τρώων καὶ Λυκίων ἐγκέκλιται, οὕνεκ᾽ ἄριστοι</l>
<l n="79">πᾶσαν ἐπ᾽ ἰθύν ἐστε μάχεσθαί τε φρονέειν τε,</l>
<l n="80">στῆτ᾽ αὐτοῦ καὶ λαὸν ἐρυκάκετε πρὸ πυλάων</l>
<l n="81">πάντῃ ἐποιχόμενοι, πρὶν αὖτ᾽ ἐν χερσὶ γυναικῶν</l>
<l n="82">φεύγοντας πεσέειν, δηίοισι δὲ χάρμα γενέσθαι.</l>
<l n="83">αὐτὰρ ἐπεί κε φάλαγγας ἐποτρύνητον ἁπάσας,</l>
<l n="84">ἡμεῖς μὲν Δαναοῖσι μαχησόμεθ᾽ αὖθι μένοντες,</l>
<l n="85">καὶ μάλα τειρόμενοί περ· ἀναγκαίη γὰρ ἐπείγει.</l>
<l n="86">Ἕκτορ, ἀτὰρ σὺ πόλιν δὲ μετέρχεο, εἰπὲ δ᾽ ἔπειτα</l>
<l n="87">μητέρι σῇ καὶ ἐμῇ· ἡ δὲ ξυνάγουσα γεραιὰς</l>
<l n="88">νηὸν Ἀθηναίης γλαυκώπιδος ἐν πόλει ἄκρῃ,</l>
<l n="89">οἴξασα κληῖδι θύρας ἱεροῖο δόμοιο,</l>
<pb n="251"/>
<l n="90">πέπλον, ὅς οἱ δοκέει χαριέστατος ἠδὲ μέγιστος</l>
<l n="91">εἶναι ἐνὶ μεγάρῳ καί οἱ πολὺ φίλτατος αὐτῇ,</l>
<l n="92">θεῖναι Ἀθηναίης ἐπὶ γούνασιν ἠυκόμοιο,</l>
<l n="93">καί οἱ ὑποσχέσθαι δυοκαίδεκα βοῦς ἐνὶ νηῷ</l>
<l n="94">ἥνις ἠκέστας ἱερευσέμεν, αἴ κ᾽ ἐλεήσῃ</l>
<l n="95">ἄστύ τε καὶ Τρώων ἀλόχους καὶ νήπια τέκνα.</l>
<l n="96">αἴ κὲν Τυδέος υἱὸν ἀπόσχῃ Ἰλίου ἱρῆς,</l>
<l n="97">ἄγριον αἰχμητήν, κρατερὸν μήστωρα φόβοιο,</l>
<l n="98">ὃν δὴ ἐγὼ κάρτιστον Ἀχαιῶν φημι γενέσθαι.</l>
<l n="99">οὐδ᾽ ᾿Αχιλῆά ποθ' ὧδέ γ᾽ ἐδείδιμεν, ὄρχαμον ἀνδρῶν,</l>
<l n="100">ὅν πέρ φασι θεᾶς ἐξέμμεναι· ἀλλ᾽ ὅδε λίην</l>
<l n="101">μαίνεται. οὐδὲ τίς οἱ δύναται μένος ἰσοφαρίζειν."</l>
<l n="102">ὣς ἔφαθ᾽· Ἕκτωρ δ᾽ οὔ τι κασιγνήτῳ ἀπέθησεν.</l>
<l n="103">αὐτίκα δ᾽ ἐξ ὀχέων σὺν τεύχεσιν ἄλτο χαμᾶζε,</l>
<l n="104">πάλλων δ᾽ ὀξέα δοῦρα κατὰ στρατὺν ᾧὥχετο πάντῃ</l>
<pb n="252"/>
<l n="105">ὀτρύνων μαχέσασθαι, ἔγειρε δὲ φύλοπιν αἰνήν.</l>
<l n="106">οἱ δ᾽ ἐλελίχθησαν καὶ ἐναντίοι ἔσταν Ἀχαιῶν·</l>
<l n="107">Ἀργεῖοι δ᾽ ὑπεχώρησαν, λῆξαν δὲ φόνοιο,</l>
<l n="108">φὰν δέ τιν᾽ ἀθανάτων ἐξ οὐρανοῦ ἀστερόεντος</l>
<l n="109">Τρωσὶν ἀλεξήσοντα κατελθέμεν· ὣς ἐλέλιχθεν.</l>
<l n="110">Ἕκτωρ δὲ Τρώεσσιν ἐκέκλετο μακρὺν ἀύσας·</l>
<l n="111">"Τρῶες ὑπέρθυμοι τηλεκλειτοί τ᾽ ἐπίκουροι,</l>
<l n="112">ἀνέρες ἔστε, φίλοι, μνήσασθε δὲ θούριδος ἀλκῆς,</l>
<l n="113">ὄφρ᾽ ἂν ἐγὼ βείω προτὶ Ἴλιον ἠδὲ γέρουσιν</l>
<l n="114">εἴπω βουλευτῇσι καὶ ἡμετέρης ἀλόχοισι</l>
<l n="115">δαίμοσιν ἀρήσασθαι, ὑποσχέσθαι δ᾽ ἑχατύμβας."</l>
<l n="116">ὡς ἄρα φωνήσας ἀπέβη κορυθαιόλος Ἕκτωρ·</l>
<l n="117">ἀμφὶ δέ μιν σφυρὰ τύπτε καὶ αὐχένα δέρμα κελαινόν,</l>
<pb n="253"/>
<l n="118">ἄντυξ, ἣ πυμάτη θέεν ἀσπίδος ὀμφαλοέσσης.</l>
<l n="119">Γλαῦκος δ᾽. Ἱππολόχοιο πάις, καὶ Τυδέος υἱὸς</l>
<l n="120">ἐς μέσον ἀμφοτέρων συνίτην μεμαῶτε μάχεσθαι.</l>
<l n="121">οἱ δ᾽ ὅτε δὴ σχεδὸν ἦσαν ἐπ᾽ ἀλλήλοισιν ἰόντες,</l>
<l n="122">τὸν πρότερος προσέειπε βοὴν ἀγαθὸς Διομήδης·</l>
<l n="123">"τίς δὲ σύ ἐσσι, φέριστε, καταθνητῶν ἀνθρώπων;</l>
<l n="124">οὐ μὲν γάρ ποτ᾽ ὄπωπα μάχῃ ἔνι κυδιανείρῃ</l>
<l n="125">τὸ πρίν" ἀτὰρ μὲν νῦν γε πολὺ προβέβηκας ἁπάντων</l>
<l n="126">σῷ θάρσει, ὅ τ᾽ ἐμὸν δολιχόσκιον ἔγχος ἔμεινας.</l>
<l n="127">δυστήνων δέ τε παῖδες ἐμῷ μένει ἀντιόωσιν.</l>
<l n="128">εἰ δέ τις ἀθανάτων γε κατ᾽ οὐρανοῦ εἰλήλουθας,</l>
<l n="129">οὐκ ἂν ἔγωγε θεοῖσιν ἐπουρανίοισι μαχοίμην.</l>
<l n="130">οὐδὲ γὰρ οὐδὲ Δρύαντος υἱός, κρατερὸς Λυκόοργος,</l>
<l n="131">δὴν ἦν, ὅς ῥα θεοῖσιν ἐπουρανίοισιν ἔριξεν·</l>
<pb n="254"/>
<l n="132">ὅς ποτε μαινομένοιο Διωνύσοιο τιθήνας</l>
<l n="133">σεῦε κατ᾿ ἠγάθεον Νυσήιον· αἱ δ᾽ ἅμα πᾶσαι</l>
<l n="134">θύσθλα χαμαὶ κατέχευαν, ὑπ᾽ ἀνδροφόνοιο Λυκούργου</l>
<l n="135">θεινόμεναι βουπλῆγι. Διώνυσος δὲ φοβηθεὶς</l>
<l n="136">δύσεθ᾽ ἁλὸς κατὰ κῦμα, Θέτις δ᾽ ὑπεδέξατο χόλπῳ</l>
<l n="137">δειδιότα᾽ κρατερὸς γὰρ ἔχε τρόμος ἀνδρὸς ὁμοκλῇ.</l>
<l n="138">τῷ μὲν ἔπειτ᾽ ὀδύσαντο θεοὶ ῥεῖα ζώοντες,</l>
<l n="139">καί μιν τυφλὸν ἔθηκε Κρόνου παῖς· οὐδ᾽ ἄρ᾽ ἔτι δὴν</l>
<l n="140">ἦν, ἐπεὶ ἀθανάτοισιν ἀπήχθετο πᾶσι θεοῖσιν.</l>
<l n="141">οὐδ᾽ ἂν ἐγὼ μακάρεσσι θεοῖς ἐθέλοιμι μάχεσθαι.</l>
<l n="142">εἰ δέ τίς ἐσσι βροτῶν, οἳ ἀρούρης καρπὸν ἔδουσιν,</l>
<l n="143">ἄσσον ἴθ᾽. ὥς κεν θᾶσσον ὀλέθρου πείραθ᾽ ἵκηαι."</l>
<l n="144">τὸν δ᾽ αὖθ' Ἱππολόχοιο προσηύδα φαίδιμος υἱός·</l>
<l n="145">"Τυδείδη μεγάθυμε, τί ἢ γενεὴν ἐρεείνεις; </l>
<l n="146">οἵη περ φύλλων γενεή, τοίη δὲ καὶ ἀνδρῶν.</l>
<pb n="255"/>
<l n="147">φύλλα τὰ μέν τ᾽ ἄνεμος χαμάδις χέει, ἄλλα δέ θ᾽ ὕλη</l>
<l n="148">τηλεθόωσα φύει, ἔαρος δ᾽ ἐπιγίνεται ὥρη·</l>
<l n="149">ὣς ἀνδρῶν γενεὴ ἡ μὲν φύει, ἡ δ᾽ ἀπολήγει.</l>
<l n="150">εἰ δ᾽ ἐθέλεις καὶ ταῦτα δαήμεναι, ὄφρ᾽ ἔυ εἰδῇς</l>
<l n="151">ἡμετέρην γενεήν, πολλοὶ δέ μιν ἄνδρες ἴσασιν·</l>
<l n="152">ἔστι πόλις Ἐφύρη μυχῷ Ἄργεος ἱπποβότοιο,</l>
<l n="153">ἔνθα δὲ Σίσυφος ἔδκεν, ὃ κέρδιστος γένετ᾽ ἀνδρῶν,</l>
<l n="154">Σίσυφος Αἰολίδης· ὁ δ᾽ ἄρα Γλαῦκον τέκεθ᾽ υἱόν,</l>
<l n="155">αὐτὰρ Γλαῦκος τίκτεν ἀμύμονα Βελλεροφόντην᾽</l>
<l n="156">τῷ δὲ θεοὶ κάλλός τε καὶ ἠνορέην ἐρατεινὴν</l>
<l n="157">ὥπασαν. αὐτάρ οἱ Προῖτος κακὰ μήσατο θυμῷ,</l>
<l n="158">ὅς ῥ᾽ ἐκ δήμου ἔλασσεν, ἐπεὶ πολὺ φέρτερος ἦεν, </l>
<pb n="256"/>
<l n="159">Ἀργείων· Ζεὺς γάρ οἱ ὑπὸ σκήπτρῳ ἐδάμασσε.</l>
<l n="160">τῷ δὲ γυνὴ Προίτου ἐπεμήνατο, δῖ᾽ Ἄντεια,</l>
<l n="161">κρυπταδίῃ φιλότητι μιγήμεναι· ἀλλὰ τὸν οὔ τι</l>
<l n="162">πεῖθ᾽ ἀγαθὰ φρονέοντα, δαΐφρονα Βελλεροφόντην.</l>
<l n="163">ἡ δὲ ψευσαμένη Προῖτον βασιλῆα προσηύδα·</l>
<l n="164">᾿τεθναίης, ὦ Προῖτ᾽, ἢ κάκτανε Βελλεροφόντην,</l>
<l n="165">ὅς μ᾽ ἔθελεν φιλότητι μιγήμεναι, οὐκ ἐθελούσῃ.᾽</l>
<l n="166">ὣς φάτο· τὸν δὲ ἄνακτα χόλος λάβεν, οἷον ἄκουσε·</l>
<l n="167">κτεῖναι μέν ῥ᾽ ἀλέεινε, σεβάσσατο γὰρ τό γε θυμῷ,</l>
<l n="168">πέμπε δέ μιν Λυκίην δέ, πόρεν δ᾽ ὅ γε σήματα λυγρά,</l>
<l n="169">γράψας ἐν πίνακι πτυκτῷ θυμοφθόρα πολλά,</l>
<l n="170">δεῖξαι δ᾽ ἠνώγειν ᾧ πενθερῷ, ὄφρ᾽ ἀπόλοιτο.</l>
<pb n="257"/>
<l n="171">αὐτὰρ ὁ βῆ Λυκίην δὲ θεῶν ὑπ' ἀμύμονι πομπῇ.</l>
<l n="172">ἀλλ᾽ ὅτε δὴ Λυκίην ἷξε Ξάνθόν τε ῥέοντα,</l>
<l n="173">προφρονέως μιν τῖεν ἄναξ Μυχίης εὐρείης.</l>
<l n="174">ἐννῆμαρ ξείνισσε καὶ ἐννέα βοῦς ἱέρευσεν·</l>
<l n="175">ἀλλ᾽ ὅτε δὴ δεκάτη ἐφάνη ῥοδοδάκτυλος Ἠώς,</l>
<l n="176">καὶ τότε μιν ἐρέεινε καὶ ᾔτεε σῆμα ἰδέσθαι,</l>
<l n="177">ὅττί ῥά οἱ γαμβροῖο πάρα Προίτοιο φέροιτο.</l>
<l n="178">αὐτὰρ ἐπεὶ δὴ σῆμα κακὸν παρεδέξατο γαμβροῦ,</l>
<l n="179">πρῶτον μέν ῥὰ Χίμαιραν ἀμαιμακέτην ἐκέλευσε</l>
<l n="180">πεφνέμεν. ἡ δ᾽ ἄρ᾽ ἔην θεῖον γένος οὐδ᾽ ἀνθρώπων,</l>
<l n="181">πρόσθε λέων, ὄπιθεν δὲ δράκων, μέσση δὲ χίμαιρα,</l>
<l n="182">δεινὸν ἀποπνείουσα πυρὸς μένος αἰθομένοιο.</l>
<l n="183">καὶ τὴν μὲν κατέπεφνε θεῶν τεράεσσι πιθήσας.</l>
<l n="184">δεύτερον αὖ Σολύμοισι μαχήσατο κυδαλίμοισι·</l>
<l n="185">καρτίστην δὴ τήν γε μάχην φάτο δύμεναι ἀνδρῶν.</l>
<l n="186">τὸ τρίτον αὖ κατέπεφνεν Ἀμαζόνας ἀντιανείρας.</l>
<pb n="258"/>
<l n="187">τῷ δ᾽ ἄρ᾽ ἀνερχομένῳ πυκινὸν δόλον ἄλλον ὕφαινε·</l>
<l n="188">κρίνας ἐκ Λυκίης εὐρείης φῶτας ἀρίστους</l>
<l n="189">εἷσε λόχον· τοὶ δ᾽ οὔ τι πάλιν οἶκον δὲ νέοντο·</l>
<l n="190">πάντας γὰρ κατέπεφνεν ἀμύμων Βελλεροφόντης.</l>
<l n="191">ἀλλ᾽ ὅτε δὴ γίνωσκε θεοῦ γόνον ἠὺν ἐόντα,</l>
<l n="192">αὐτοῦ μιν κατέρυκε, δίδου δ᾽ ὅ γε θυγατέρα ἥν,</l>
<l n="193">δῶκε δέ οἱ τιμῆς βασιληίδος ἥμισυ πάσης·</l>
<l n="194">καὶ μέν οἱ Λύκιοι τέμενος τάμον ἔξοχον ἄλλων,</l>
<l n="195">καλόν, φυταλιῆς καὶ ἀρούρης πυροφύροιο.</l>
<l n="196">ἡ δ᾽ ἔτεκε τρία τέκνα δαΐφρονι Βελλεροφόντῃ,</l>
<l n="197">Ἰσανδρόν τε καὶ Ἱππόλοχον καὶ Λαοδάμειαν.</l>
<l n="198">Λαοδαμείῃ μὲν παρελέξατο μητίετα Ζεύς,</l>
<l n="199">ἡ δ᾽ ἔτεκ᾽ ἀντίθεον Σαρπηδόνα χαλκοκορυστήν.</l>
<l n="200">ἀλλ᾽ ὅτε δὴ καὶ κεῖνος ἀπήχθετο πᾶσι θεοῖσιν,</l>
<pb n="259"/>
<l n="201">ἤτοι ὁ κὰπ πεδίον τὸ Ἀλήιον οἶος ἀλᾶτο</l>
<l n="202">ὃν θυμὸν κατέδων, πάτον ἀνθρώπων ἀλεείνων·</l>
<l n="203">Ἴσανδρον δέ οἱ υἱὸν Ἄρης ἆτος πολέμοιο</l>
<l n="204">μαρνάμενον. Σολύμοισι κατέκτανε κυδαλίμοισι·</l>
<l n="205">τὴν δὲ χολωσαμένη χρυσήνιος Ἄρτεμις ἔκτα.</l>
<l n="206">Ἱππόλοχος δ᾽ ἔμ᾽ ἔτικτε, καὶ ἐκ τοῦ φημι γενέσθαι·</l>
<l n="207">πέμπε δέ μ᾽ ἐς Τροίην καί μοι μάλα πόλλ᾽ ἐπέτελλεν,</l>
<l n="208">αἰὲν ἀριστεύειν καὶ ὑπείροχον ἔμμεναι ἄλλων</l>
<l n="209">μηδὲ γένος πατέρων αἰσχυνέμεν, οἵ μέγ᾽ ἄριστοι</l>
<l n="210">ἔν τ' ᾿Εφύρῃ ἐγένοντο καὶ ἐν Λυκίῃ εὐρείῃ.</l>
<l n="211">ταύτης τοι γενεῆς τε καὶ αἵματος εὔχομαι εἶναι."</l>
<l n="212">ὡς φάτο· γήθησεν δὲ βοὴν ἀγαθὺς Διομήδης.</l>
<l n="213">ἔγχος μὲν κατέπηξεν ἐπὶ χθονὶ πουλυβοτείρῃ,</l>
<l n="214">αὐτὰρ ὁ μειλιχίοισι προσηύδα ποιμένα λαῶν·</l>
<l n="215">"ἦ ῥά νύ μοι ξεῖνος πατρώιός ἐσσι παλαιός·</l>
<pb n="260"/>
<l n="216">Οἱνεὺς γάρ ποτε δῖος ἀμύμονα Βελλεροφόντην</l>
<l n="217">ξείνισ᾽ ἐνὶ μεγάροισιν ἐείκοσιν ἥματ᾽ ἐρύξας.</l>
<l n="218">οἱ δὲ χαὶ ἀλλήλοισι πόρον ξεινήια καλά·</l>
<l n="219">Οἰνεὺς μὲν ζωστῆρα δίδου φοίνικι φαεινόν,</l>
<l n="220">Βελλεροφόντης δὲ χρύσεον δέπας ἀμφικύπελλον,</l>
<l n="221">καί μιν ἐγὼ κατέλειπον ἰὼν ἐν δώμασ᾽ ἐμοῖσι.</l>
<l n="222">Τυδέα δ᾽ οὐ μέμνημαι, ἐπεί μ᾽ ἔτι τυτθὸν ἐόντα</l>
<l n="223">κάλλιφ᾽, ὅτ᾽ ἐν Θήβησιν ἀπώλετο λαὸς Ἀχαιῶν.</l>
<l n="224">τὼ νῦν σοὶ μὲν ἐγὼ ξεῖνος φίλος Ἄργεϊ μέσσῳ</l>
<l n="225">εἰμί, σὺ δ᾽ ἐν Λυκίῃ, ὅτε κεν τῶν δῆμον ἵκωμαι.</l>
<l n="226">ἔγχεα δ᾽ ἀλλήλων ἀλεώμεθα καὶ δι᾽ ὁμίλου·</l>
<l n="227">πολλοὶ μὲν γὰρ ἐμοὶ Τρῶες κλειτοί τ᾽ ἐπίκουροι,</l>
<l n="228">κτείνειν ὅν κε θεός γε πόρῃ καὶ ποσσὶ κιχείω,</l>
<l n="229">πολλοὶ δ᾽ αὖ σοὶ Ἀχαιοί, ἐναιρέμεν ὅν κε δύνηαι.</l>
<pb n="261"/>
<l n="230">τεύχεα δ᾽ ἀλλήλοις ἐπαμείψομεν, ὄφρα καὶ οἷδε</l>
<l n="231">γνῶσιν, ὅτι ξεῖνοι πατρώιοι εὐχόμεθ᾽ εἶναι."</l>
<l n="232">ὡς ἄρα φωνήσαντε, καθ' ἵππων ἀίξαντε,</l>
<l n="233">χεῖράς τ᾽ ἀλλήλων λαβέτην καὶ πιστώσαντο.</l>
<l n="234">ἔνθ᾽ αὗτε Γλαύκῳ Κρονίδης φρένας ἐξέλετο Ζεύς,</l>
<l n="235">ὃς πρὸς Τυδείδην Διομήδεα τεύχε᾽ ἄμειβε</l>
<l n="236">χρύσεα χαλχείων, ἑκατόμβοι᾽ ἐννεαβοίων.</l>
<l n="237">Ἕκτωρ δ᾽ ὡς Σκαιάς τε πύλας καὶ πύργον ἴκανεν,</l>
<l n="238">ἀμφ᾽ ἄρα μιν Τρώων ἄλοχοι θέον ἠδὲ θύγατρες</l>
<l n="239">εἰρόμεναι παῖδάς τὲ κασιγνήτους τε ἔτας τε</l>
<l n="240">καὶ πόσιας. ὁ δ᾽ ἔπειτα θεοῖς εὔχεσθαι ἀνώγει</l>
<l n="241">πάσας ἑξείης· πολλῇσι δὲ κήδε᾽ ἐφῆπτο.</l>
<l n="242">ἀλλ᾽ ὅτε δὴ Πριάμοιο δόμον περικαλλέ' ἴκανε,</l>
<l n="243">ξεστῇς αἰθούσῃσι τετυγμένον — αὐτὰρ ἐν αὐτῷ</l>
<l n="244">πεντήκοντ᾽ ἕνεσαν θάλαμοι ξεστοῖο λίθοιο,</l>
<pb n="262"/>
<l n="245">πλησίον ἀλλήλων δεδμημένοι· ἔνθα δὲ παῖδες</l>
<l n="246">κοιμῶντο Πριάμοιο παρὰ μνηστῇς ἀλόχοιδι·</l>
<l n="247">κουράων δ᾽ ἑτέρωθεν ἐναντίοι ἔνδοθεν αὐλῆς</l>
<l n="248">δώδεκ᾽ ἔσαν τέγεοι θάλαμοι ἕξεστοῖο λίθοιο,</l>
<l n="249">πλησίον ἀλλήλων δεδμημένοι· ἔνθα δὲ γαμβροὶ</l>
<l n="250">κοιμῶντο Πριάμοιο παρ᾽ αἰδοίῃς ἀλόχοισιν —·</l>
<l n="251">ἔνθά οἱ ἠπιόδωρος ἐναντίη ἤλυθε μήτηρ</l>
<l n="252">Λαοδίκην ἐσάγουσα, θυγατρῶν εἶδος ἀρίστην·</l>
<l n="253">ἔν τ' ἄρα οἱ φῦ χειρὶ ἔπος τ᾽ ἔφατ᾽ ἔκ τ᾽ ὀνόμαζε·</l>
<l n="254">"τέκνον, τίπτε λιπὼν πόλεμον θρασὺν εἰλήλουθας;</l>
<l n="255">ἦ μάλα δὴ τείρουσι δυσώνυμοι υἷες Ἀχαιῶν</l>
<l n="256">μαρνάμενοι περὶ ἄστυ· σὲ δ᾽ ἐνθάδε θυμὸς ἀνῆκεν</l>
<l n="257">ἐλθόντ᾽ ἐξ ἄκρης πόλιος Διὶ χεῖρας ἀνασχεῖν.</l>
<l n="258">ἀλλὰ μέν᾽, ὄφρά κέ τοι μελιηδέα οἷνον ἐνείχω,</l>
<l n="259">ὡς σπείσῃς Διὶ πατρὶ καὶ ἄλλοις ἀθανάτοισι</l>
<pb n="263"/>
<l n="260">πρῶτον, ἔπειτα δὲ καὐτὸς ὀνήσεαι, αἴ κε πίῃσθα.</l>
<l n="261">ἀνδρὶ δὲ κεκμηῶτι μένος μέγα οἷνος ἀέξει,</l>
<l n="262">ὡς τύνη κέκμηκας ἀμύνων σοῖσιν ἔτῃσι."</l>
<l n="263">τὴν δ᾽ ἠμείβετ᾽ ἔπειτα μέγας κορυθαιόλος Ἕκτωρ·</l>
<l n="264">"μὴ μοι οἶνον ἄειρε μελίφρονα, πότνια μῆτερ,</l>
<l n="265">μή μ᾽ ἀπογυιώσῃς μένεος, ἀλκῆς τε λάθωμαι·</l>
<l n="266">χερσὶ δ᾽ ἀνίπτοισιν Διὶ λείβειν αἴθοπα οἶνον</l>
<l n="267">ἅζομαι· οὐδέ πῃ ἔστι κελαινεφέι Κρονίωνι</l>
<l n="268">αἵματι καὶ λύθρῳ πεπαλαγμένον εὐχετάασθαι.</l>
<l n="269">ἀλλὰ σὺ μὲν πρὸς νηὺν Ἀθηναίης ἀγελείης</l>
<l n="270">ἔρχεο σὺν θυέεσσιν, ἀολλίσσαδα γεραιάς·</l>
<l n="271">πέπλον δ᾽, ὅς τίς τοι χαριέστατος ἠδὲ μέγιστος</l>
<pb n="264"/>
<l n="272">ἔστιν ἐνὶ μεγάρῳ καί τοι πολὺ φίλτατος αὐτῇ,</l>
<l n="273">τὸν θὲς Ἀθηναίης ἐπὶ γούνασιν ἠυκόμοιο.</l>
<l n="274">καί οἱ ὑποσχέσθαι δυοκαίδεκα βοῦς ἐνὶ νηῷ</l>
<l n="275"> ἥνις ἠκέστας ἱερευσέμεν, αἴ κ᾽ ἐλεήσῃ</l>
<l n="276">ἄστύ τε καὶ Τρώων ἀλόχους καὶ νήπια τέκνα,</l>
<l n="277">αἵ κεν Τυδέος υἱὸν ἀπόσχῃ Ἰλίου ἱρῆς,</l>
<l n="278">ἄγριον αἰχμητήν, κρατερὸν μήστωρα φόβοιο.</l>
<l n="279">ἀλλὰ σὺ μὲν πρὺς νηὸν Ἀθηναίης ἀγελείης</l>
<l n="280">ἔρχευ, ἐγὼ δὲ Πάριν μετελεύσομαι, ὄφρα καλέσσω,</l>
<l n="281">αἴ κ' ἐθέλῃσ᾽ εἰπόντος ἀκουέμεν. ὥς κέ οἱ αὖθι</l>
<l n="282">γαῖα χάνοι· μέγα γάρ μιν Ὀλύμπιος ἔτρεφε πῆμα</l>
<l n="283">Τρωσί τε καὶ Πριάμῳ μεγαλήτορι τοῖό τε παισίν.</l>
<l n="284">εἰ κεῖνόν γε ἴδοιμι κατελθόντ᾽ Ἄιδος εἴσω,</l>
<l n="285">φαίην κε φρέν᾽ ἀτέρπου ὀιζύος ἐκλελαθέσθαι."</l>
<l n="286">ὣς ἔφαθ᾽· ἡ δὲ μολοῦσα ποτὶ μέγαρ᾽ ἀμφιπόλοισι</l>
<l n="287">κέκλετο· ταὶ δ᾽ ἄρ᾽ ἀόλλιόσαν κατὰ ἄστυ γεραιάς.</l>
<pb n="265"/>
<l n="288">καὐτὴ δ᾽ ἐς θάλαμον κατεβήσετο κηώεντα,</l>
<l n="289">ἔνθ᾽ ἔσάν οἱ πέπλοι παμποίκιλοι, ἔργα γυναικῶν</l>
<l n="290">Σιδονίων. τὰς αὐτὸς Ἀλέξανδρος θεοειδὴς</l>
<l n="291">ἤγαγε Σιδονίηθεν. ἐπιπλὼς εὐρέα πόντον,</l>
<l n="292">τὴν ὁδόν, ἣν Ἑλένην πὲρ ἀνήγαγεν εὐπατέρειαν.</l>
<l n="293">τῶν ἕν᾽ ἀειραμένη Ἑκάβη φέρε δῶρον Ἀθήνῃ;</l>
<l n="294">ὃς κάλλιστος ἔην ποικίλμασιν ἠδὲ μέγιστος.</l>
<l n="295">ἀστὴρ δ᾽ ὡς ἀπέλαμπεν· ἔκειτο δὲ νείατος ἄλλων.</l>
<l n="296">βὴ δ᾽ ἱέναι. πολλαὶ δὲ μετεσσεύοντο γεραιαί.</l>
<l n="297">αἱ δ᾽ ὅτε νηὸν ἵκανον Ἀθήνης ἐν πόλει ἄκρῃ·</l>
<l n="298">τῇσι θύρας ὥιξε Θεανὼ καλλιπάρῃος,</l>
<l n="299">Κισσηίς, ἄλοχος Ἀντήνοοος ἱπποδάμοιο· </l>
<pb n="266"/>
<l n="300">τὴν γὰρ Τρῶες ἔθηκαν Ἀθηναίης ἱέρειαν.</l>
<l n="301">αἱ δ᾽ ὀλολυγῇ πᾶσαι Ἀθήνῃ χεῖρας ἀνέσχον.</l>
<l n="302">ἡ δ᾽ ἄρα πέπλον ἑλοῦσα Θεανὼ καλλιπάρῃος</l>
<l n="303">θῆκεν Ἀθηναίης ἐπὶ γούνασιν ἠυκόμοιο,</l>
<l n="304">εὐχομένη δ᾽ ἠρᾶτο Διὸς κούρῃ μεγάλοιο·</l>
<l n="305">πότνι᾽ Ἀθηναίη, ἐρυσίπτολι, δῖα θεάων,</l>
<l n="306">ἆξον δὴ ἔγχος Διομήδεος ἠδὲ καὶ αὐτὸν</l>
<l n="307">πρηνέα δὸς πεσέειν Σχαιῶν προπάροιθε πυλάων,</l>
<l n="308">ὄφρά τοι αὐτίκα νῦν δυοκαίδεκα βοῦς ἐνὶ νηῷ</l>
<l n="309">ἥνις ἠκέστας ἱερεύδσομεν, αἴ κ᾽ ἐλεήσῃς</l>
<l n="310">ἄστύ τε καὶ Τρώων ἀλόχους καὶ νήπια τέχνα."</l>
<l n="311">ὃς ἔφατ᾽ εὐχομένη, ἀνένευε δὲ Παλλὰς Ἀθήνη.</l>
<l n="312">ὡς αἱ μέν ῥ᾽ εὔχοντο Διὸς κούρῃ μεγάλοιο·</l>
<l n="313">Ἕκτωρ δὲ πρὸς δώματ᾽ Ἀλεξάνδροιο βεβήκει</l>
<l n="314">καλά, τά ῥ᾽ αὐτὸς ἔτευξε σὺν ἀνδράσιν, οἳ τότ᾽ ἄριστοι</l>
<l n="315">ἦσαν ἐνὶ Τροίῃ ἐριβώλακι τέκτονες ἄνδρες,</l>
<l n="316">οἵ οἱ ἐποίησαν θάλαμον καὶ δῶμα καὶ αὐλὴν</l>
<pb n="267"/>
<l n="317">ἐγγύθι τε Πριάμοιο καὶ Ἕκτορος ἐν πόλει ἄκρῃ.</l>
<l n="318">ἔνθ᾽ Ἕκτωρ εἰσῆλθε Διίφιλος, ἐν δ᾽ ἄρα χειρὶ</l>
<l n="319">ἔγχος ἔχ᾽ ἐνδεκάπηχυ· πάροιθε δὲ λάμπετο δουρὸς</l>
<l n="320">αἰχμὴ χαλκείη, περὶ δὲ χρύσεος θέε πόρκης.</l>
<l n="321">τὸν δ᾽ εὗρ᾽ ἐν θαλάμῳ περικαλλέα τεύχε᾽ ἔποντα,</l>
<l n="322">ἀσπίδα καὶ θώρηκα καὶ ἀγκύλα τόξ᾽ ἁφόωντα·</l>
<l n="323">Ἀργείη δ᾽ Ἑλένη μετ᾽ ἄρα δμῳῇσι γυναιξὶν</l>
<l n="324">ἧστο καὶ ἀμφιπόλοισι περικλυτὰ ἔργα κέλευε.</l>
<l n="325">τὸν δ᾽ Ἕκτωρ νείκεσσεν ἰδὼν αἰσχροῖς ἐπέεσσι·</l>
<l n="326">δαιμόνι᾽, οὐ μὲν καλὰ χόλον τόνδ᾽ ἔνθεο θυμῷ.</l>
<l n="327">λαοὶ μὲν φθινύθουσι περὶ πτόλιν αἰπύ τε τεῖχος</l>
<l n="328">μαρνάμενοι, σέο δ᾽ εἴνεχ᾽ ἀυτή τε πτόλεμός τε</l>
<l n="329">ἄστυ τόδ᾽ ἀμφιδέδηε᾽ σὺ δ᾽ ἂν μαχέσαιο καὶ ἄλλῳ,</l>
<pb n="268"/>
<l n="330">ὅν τινά που μεθιέντα ἴδοις στυγεροῦ πολέμοιο.</l>
<l n="331">ἀλλ᾽ ἄνα, μὴ τάχα ἄστυ πυρὸς δηίοιο θέρηται."</l>
<l n="332">τὸν δ᾽ αὗτε προσέειπεν Ἀλέξανδρος θεοειδής·</l>
<l n="333">"Ἕκτορ, ἐπεί μὲ κατ᾽ αἷσαν ἐνείκεσδας οὐδ᾽ ὑπὲρ αἷσαν,</l>
<l n="334">τοὔνεχά τοι ἐρέω, σὺ δὲ σύνθεο καί μευ ἄκουδον·</l>
<l n="335">οὔ τοι ἐγὼ Τρώων τόσσον χόλῳ οὐδὲ νεμέσσι</l>
<l n="336">ἥμην ἐν θαλάμῳ, ἔθελον δ᾽ ἄχεϊ προτραπέσθαι.</l>
<l n="337">νῦν δέ μὲ παρειποῦσ᾽ ἄλοχος μαλακοῖς ἐπέεσσιν</l>
<l n="338">ὥρμησ᾽ ἐς πύλεμον· δοκέει δέ μοι ὧδε καὶ αὐτῷ</l>
<l n="339">λώιον ἔσσεσθαι· νίκη δ᾽ ἐπαμείβεται ἄνδρας.</l>
<l n="340">ἀλλ᾽ ἄγε νῦν ἐπίμεινον, Ἀρήια τεύχεα δύω·</l>
<l n="341">ἢ ἴθ᾽, ἐγὼ δὲ μέτειμι· κιχήσεσθαι δέ σ᾽ ὀίω."</l>
<l n="342">ὡς φάτο᾽ τὸν δ᾽ οὔ τι προσέφη κορυθαιόλος Ἕκτωρ·</l>
<l n="343">τὸν δ᾽ Ἑλένη μύθοισι προσηύδα μειλιχίοισι·</l>
<l n="344">"δᾶερ ἐμεῖο, κυνὸς καχομηχάνου, ὀκρυοέσσης.</l>
<pb n="269"/>
<l n="345"> ὥς μ᾽ ὄφελ᾽ ἤματι τῷ, ὅτε με πρῶτον τέχε μήτηρ,</l>
<l n="346">οἴχεσθαι προφέρουσα κακὴ ἀνέμοιο θύελλα</l>
<l n="347">εἰς ὄρος ἢ ἐς κῦμα πολυφλοίσβοιο θαλάσσης,</l>
<l n="348">ἔνθά με κῦμ᾽ ἀπόερσε πάρος τάδε ἔργα γενέσθαι.</l>
<l n="349">αὐτὰρ ἐπεὶ τάδε γ᾽ ὧδε θεοὶ κακὰ τεκμήραντο,</l>
<l n="350">ἀνδρὸς ἔπειτ᾽ ὥφελλον ἀμείνονος εἶναι ἄκοιτις,</l>
<l n="351">ὃς ᾔδη νέμεσίν τε καὶ αἴσχεα πόλλ᾽ ἀνθρώπων.</l>
<l n="352">τούτῳ δ᾽ οὔτ᾽ ἂρ νῦν φρένες ἔμπεδοι οὔτ᾽ ἄρ᾽ ὀπίσσω</l>
<l n="353">ἔσσονται· τὼ καί μιν ἐπαυρήσεσθαι ὀίω.</l>
<l n="354">ἀλλ᾽ ἄγε νῦν εἴσελθε καὶ ἕξεο τῷδ᾽ ἐπὶ δίφρῳ,</l>
<l n="355">δᾶερ, ἐπεί δὲ μάλιστα πόνος φρένας ἀμφιβέβηκεν</l>
<l n="356">εἴνεκ᾽ ἐμεῖο κυνὸς καὶ Ἀλεξάνδρου ἕνεκ᾽ ἄτης,</l>
<pb n="270"/>
<l n="357">οἷσιν ἐπὶ Ζεὺς θῆκε κακὸν μόρον, ὡς καὶ ὀπίσσω</l>
<l n="358">ἀνθρώποισι πελώμεθ᾽ ἀοίδιμοι ἐσσομένοισι."</l>
<l n="359">τὴν δ᾽ ἠμείβετ᾽ ἔπειτα μέγας κορυθαιόλος Ἕκτωρ·</l>
<l n="360">μή μὲ κάθιζ᾽, Ἑλένη, φιλέουσά περ᾽ οὐδέ με πείσεις·</l>
<l n="361">ἤδη γάρ μοι θυμὸς ἐπέσσυται, ὄφρ᾽ ἐπαμύνω</l>
<l n="362">Τρώεσσ᾽, οἳ μέγ᾽ ἐμεῖο ποθὴν ἀπεόντος ἔχουσιν.</l>
<l n="363">ἀλλὰ σύγ᾽ ὄρνυθι τοῦτον, ἐπειγέσθω δὲ καὶ αὐτός,</l>
<l n="364">ὥς κεν ἔμ᾽ ἔντοσθεν πόλιος καταμάρψῃ ἐόντα.</l>
<l n="365">καὶ γὰρ ἐγὼν οἶκον δ᾽ ἐσελεύσομαι, ὄφρα ἴδωμαι</l>
<l n="366">οἰκῆας ἄλοχόν τε φίλην καὶ νήπιον υἱόν.</l>
<l n="367">οὐ γάρ τ᾽ οἷδ᾽, εἰ ἔτι σφιν ὑπότροπος ἴξομαι αὗτις,</l>
<l n="368">ἢ ἤδη μ᾽ ὑπὸ χερσὶ θεοὶ δαμόωσιν Ἀχαιῶν."</l>
<l n="369">ὡς ἄρα φωνήσας ἀπέβη κορυθαιόλος Ἕκτωρ.</l>
<pb n="271"/>
<l n="370">αἶψα δ᾽ ἔπειθ᾽ ἵκανε δόμους εὐναιετάοντας,</l>
<l n="371">οὐδ᾽ εὗρ᾽ Ἀνδρομάχην λευκώλενον ἐν μεγάροισιν,</l>
<l n="372">ἀλλ᾽ ἥ γε ξὺν παιδὶ καὶ ἀμφιπόλῳ ἐυπέπλῳ</l>
<l n="373">πύργῳ ἐφεστήκει γοόωσά τε μυρομένη τε.</l>
<l n="374">Ἕκτωρ δ᾽ ὡς οὐκ ἔνδον ἀμύμονα τέτμεν ἄκοιτιν,</l>
<l n="375">ἔστη ἐπ᾽ οὐδὸν ἰών, μετὰ δὲ δμῳῇσιν ἔειπεν·</l>
<l n="376">"εἰ δ᾽ ἄγε μοι, δμῳαί, νημερτέα μυθήσασθε᾽</l>
<l n="377">πῇ ἔβη Ἀνδρομάχη λευκώλενος ἐκ μεγάροιο;</l>
<l n="378">ἠέ πῃ ἐς γαλόων ἢ εἰνατέρων ἐυπέπλων</l>
<l n="379">ἢ ἐς Ἀθηναίης ἐξοίχεται. ἔνθά περ ἄλλαι</l>
<l n="380">Τρφαὶ ἐυπλόκαμοι δεινὴν θεὸν ἱλάσκονται;"</l>
<l n="381">τὸν δ᾽ αὖτ᾽ ὀτρηρὴ ταμίη πρὸς μῦθον ἔειπεν"</l>
<l n="382">"Ἕκτορ, ἐπεὶ μάλ᾽ ἄνωγας ἀληθέα μυθήσασθαι,</l>
<l n="383">οὔτέ πῃ ἐς γαλόων οὔτ᾽ εἴνατέρων ἐυπέπλων</l>
<l n="384">οὔτ᾽ ἐς Ἀθηναίης ἐξοίχεται, ἔνθά περ ἄλλαι</l>
<pb n="272"/>
<l n="385">Τρῳαὶ ἐξυπλόχαμοι δεινὴν θεὸν ἱλάσκονται,</l>
<l n="386">ἀλλ᾽ ἐπὶ πύργον ἔβη μέγαν Ἰλίου, οὕνεκ᾽ ἄκουδε</l>
<l n="387">τείρεσθαι Τρῶας, μέγα δὲ κράτος εἷναι Ἀχαιῶν.</l>
<l n="388">ἡ μὲν δὴ πρὸς τεῖχος ἐπειγομένη ἀφικάνει,</l>
<l n="389">μαινομένῃ εἰκυῖα᾽ φέρει δ᾽ ἅμα παῖδα τιθήνη."</l>
<l n="390">ἦ ῥα γυνὴ ταμίη· ὁ δ᾽ ἀπέσσυτο δώματος Ἕκτωρ</l>
<l n="391">τὴν αὐτὴν ὁδὸν αὗτις ἐυκτιμένας κατ᾽ ἀγυιάς.</l>
<l n="392">εὖτε πύλας ἵκανε διερχόμενος μέγα ἄστυ,</l>
<l n="393">Σκαιάς — τῇ ἄρ᾽ ἔμελλε διεξίμεναι πεδίον δέ —,</l>
<l n="394">ἔνθ᾽ ἄλοχος πολύδωρος ἐναντίη ἦλθε θέουσα</l>
<l n="395">Ἀνδρομάχη, θυγάτηρ μεγαλήτορος Ἠετίωνος —</l>
<l n="396">Ἠετίων, ὃς ἔναιεν ὑπὸ Πλάκῳ ὑληέσσῃ,</l>
<l n="397">Θήβῃ Ὑποπλακίῃ, Κιλίκεσσ᾽ ἄνδρεσσιν ἀνάσσων·</l>
<l n="398">τοῦ περ δὴ θυγάτηρ ἔχεθ᾽ Ἕκτορι χαλκοκορυστῇ —.</l>
<l n="399">ἥ οἱ ἔπειτ᾽ ἤντησ᾽, ἅμα δ᾽ ἀμφίπολος κίεν αὐτῇ</l>
<l n="400">παῖδ᾽ ἐπὶ κόλπῳ ἔχουσ᾽ ἀταλάφρονα, νήπιον αὕτως,</l>
<pb n="273"/>
<l n="401">Ἑκτορίδην ἀγαπητόν, ἀλίγκιον ἀστέρι καλῷ,</l>
<l n="402">τόν ῥ᾽ Ἕκτωρ καλέεσκε Σκαμάνδριον, αὐτὰρ οἱ ἄλλοι</l>
<l n="403">Ἀστυἀνακτ᾽· οἶος γὰρ ἐρύετο Ἴλιον Ἕκτωρ.</l>
<l n="404">ἤτοι ὁ μὲν μείδησεν ἰδὼν ἐς παῖδα σιωπῇ·</l>
<l n="405">Ἀνδρομάχη δέ οἱ ἄγχι παρίστατο δάκρυ χέουσα</l>
<l n="406">ἔν τ᾽ ἄρα οἱ φῦ χειρὶ ἔπος τ᾽ ἔφατ᾽ ἔκ τ᾽ ὀνόμαζε·</l>
<l n="407">"δαιμόνιε, φθίσει σε τὸ σὸν μένος, οὐδ᾽ ἐλεαίρεις</l>
<l n="408">παῖδά τε νηπίαχον καὶ ἔμ᾽ ἄμμορον, ἣ τάχα χήρη</l>
<l n="409">σεῦ ἔσομαι· τάχα γάρ δε κατακτανέουσιν Ἀχαιοὶ</l>
<l n="410">πάντες ἐφορμηθέντες. ἐμοὶ δέ κε κέρδιον εἴη</l>
<l n="411">σεῦ ἀφαμαρτούσῃ χθόνα δύμεναι· οὐ γὰρ ἔτ᾽ ἄλλη</l>
<l n="412">ἔσται θαλπωρή, ἐπεὶ ἂν σύγε πότμον ἐπίσπῃς,</l>
<l n="413">ἀλλ᾽ ἄχε᾽· οὐδέ μοί ἐστι πατὴρ καὶ πότνια μήτηρ.</l>
<l n="414">ἤτοι γὰρ πατέρ᾽ ἁμὸν ἀπέκτανε δῖος Ἀχιλλεύς,</l>
<pb n="274"/>
<l n="415">ἐκ δὲ πόλιν πέρσεν Κιλίκων εὐναιετόωσαν,</l>
<l n="416">Θήβην ὑψίπυλον· κατὰ δ᾽ ἔκτανεν Ἠετίωνα,</l>
<l n="417">οὐδέ μιν ἐξενάριξε — σεβάσσατο γὰρ τό γε θυμῷ —,</l>
<l n="418">ἀλλ᾽ ἄρα μιν κατέκηε σὺν ἔντεσι δαιδαλέοισιν</l>
<l n="419">ἠδ᾽ ἐπὶ σῆμ᾽ ἔχεεν· περὶ δὲ πτελέας ἐφύτευσαν</l>
<l n="420">νύμφαι ὀρεστιάδες, κοῦραι Διὸς αἰγιόχοιο.</l>
<l n="421">οἳ δέ μοι ἑπτὰ κασίγνητοι ἔσαν ἐν μεγάροισιν,</l>
<l n="422">οἱ μὲν πάντες ἰῷ κίον ἤματι Ἄϊδος εἴσω·</l>
<l n="423">πάντας γὰρ κατέπεφνε ποδάρχης δῖος Ἀχιλλεὺς</l>
<l n="424">βουσὶν ἐπ᾽ εἰλιπόδεσσι καὶ ἀργεννῇς ὀίεσσι.</l>
<l n="425">μητέρα δ᾽, ἣ βασίλευεν ὑπὸ Πλάκῳ ὑληέσσῃ,</l>
<l n="426">τὴν ἐπεὶ ἂρ δεῦρ᾽ ἤγαγ᾽ ἅμ᾽ ἄλλοισι κτεάτεσσιν,</l>
<l n="427">ἂψ ὅ γε τὴν ἀπέλυσε λαβὼν ἀπερείσι᾽ ἄποινα,</l>
<l n="428">πατρὸς δ᾽ ἐν μεγάροισι βάλ᾽ Ἄρτεμις ἰοχέαιρα.</l>
<l n="429">Ἕκτορ, ἀτὰρ σύ μοί ἐσσι πατὴρ καὶ πότνια μήτηρ </l>
<pb n="275"/>
<l n="430">ἠδὲ κασίγνητος, σὺ δέ μοι θαλερὸς παρακοίτης.</l>
<l n="431">ἀλλ᾽ ἄγε νῦν ἐλέαιρε καὶ αὐτοῦ μίμν᾽ ἐπὶ πύργῳ,</l>
<l n="432">μὴ παῖδ᾽ ὀρφανικὸν θήῃς χήρην τε γυναῖκα·</l>
<l n="433">λαὸν δὲ στῆσον παρ᾽ ἐρινεόν, ἔνθα μάλιστα</l>
<l n="434">ἀμβατός ἐστι πόλις καὶ ἐπίδρομον ἔπλετο τεῖχος.</l>
<l n="435">τρὶς γὰρ τῇ γ᾽ ἐλθόντες ἐπειρήσανθ' οἱ ἄριστοι</l>
<l n="436">ἀμφ᾽ Αἴαντε δύω καὶ ἀγακλυτὸν ᾿Ιδομενῆα</l>
<l n="437">ἠδ᾽ ἀμφ᾽ Ἀτρείδας καὶ Τυδέος ἄλκιμον υἱόν·</l>
<l n="438">ἤ πού τίς σφιν ἔνισπε θεοπροπίων ἔυ εἰδώς,</l>
<l n="439">ἤ νυ καὶ αὐτῶν θυμὸς ἐποτρύνει καὶ ἀνώγει."</l>
<l n="440">τὴν δ᾽ αὗτε προσέειπε μέγας κορυθαιόλος Ἕκτωρ·</l>
<l n="441">"ἦ καὶ ἐμοὶ τάδε πάντα μέλει, γύναι· ἀλλὰ μάλ᾽ αἰνῶς</l>
<l n="442">αἰδέομαι Τρῶας καὶ Τρῳάδας ἑλκεσιπέπλους,</l>
<l n="443">αἴ κε κακὸς ὡς νόσφιν ἀλυσκάζω πολέμοιο·</l>
<l n="444">οὐδέ με θυμὸς ἄνωγεν, ἐπεὶ μάθον ἔμμεναι ἐσθλὸς</l>
<pb n="276"/>
<l n="445">αἰεὶ καὶ πρώτοισι μετὰ Τρώεσσι μάχεσθαι,</l>
<l n="446">ἀρνύμενος πατρός τε μέγα κλέος ἠδ᾽ ἐμὸν αὐτοῦ.</l>
<l n="447">εὖ γὰρ ἐγὼ τόδε οἷδα κατὰ φρένα καὶ κατὰ θυμόν·</l>
<l n="448">ἔσσεται ἦμαρ, ὅτ᾽ ἄν ποτ᾽ ὀλώλῃ Ἴλιος ἱρὴ</l>
<l n="449">καὶ Πρίαμος καὶ λαὸς ἐυμμελίω Πριάμοιο.</l>
<l n="450">ἀλλ᾽ οὔ μοι Τρώων τόσσον μέλει ἄλγος ὀπίσσω</l>
<l n="451">οὔτ᾽ αὐτῆς Ἑκάβης οὔτε Πριάμοιο ἄνακτος</l>
<l n="452">οὔτε κασιγνήτων, οἵ κεν πολέες τε καὶ ἐσθλοὶ</l>
<l n="453">ἐν κονίῃσι πέσοιεν ὑπ᾽ ἀνδράσι δυσμενέεσσιν,</l>
<l n="454">ὅσσον σεῦ, ὅτε κέν τις Ἀχαιῶν χαλκοχιτώνων</l>
<l n="455">δακρυόεσσαν ἄγηται, ἐλεύθερον ἦμαρ ἀπούρας.</l>
<l n="456">καί κεν ἐν Ἄργει ἐοῦσα πρὸς ἄλλης ἱστὸν ὑφαίνοις,</l>
<l n="457">καί κεν ὕδωρ φορέοις Μεσσηίδος ἢ Ὑπερείης</l>
<l n="458">πόλλ᾽ ἀεκαζομένη, κρατερὴ δ᾽ ἐπικείσετ᾽ ἀνάγκη.</l>
<l n="459">καί ποτέ τις εἴπῃσιν ἰδὼν κατὰ δάκρυ χέουσαν·</l>
<pb n="277"/>
<l n="460">'Ἕκτορος ἦδε γυνή, ὃς ἀριστεύεσκε μάχεσθαι</l>
<l n="461">Τρώων ἱπποδάμων, ὅτε Ἴλιον ἀμφεμάχοντο.'</l>
<l n="461a">ἥρωες δαναοί, πάντες θεράποντες ἄρηος</l>
<l n="462">ὥς ποτέ τις ἐρέει· σοὶ δ᾽ αὖ νέον ἔσσεται ἄλγος</l>
<l n="463">χήτεϊ τοιοῦδ᾽ ἀνδρός, ἀμύνειν δούλιον ἦμαρ.</l>
<l n="464">ἀλλά μὲ τεθνηῶτα χυτὴ κατὰ γαῖα καλύπτοι,</l>
<l n="465">πρίν γέ τι σῆς τε βοῆς σοῦ θ' ἐλκηθμοῖο πυθέσθαι."</l>
<l n="466">ὡς εἰπὼν οὗ παιδὸς ὀρέξατο φαίδιμος Ἕκτωρ.</l>
<l n="467">ἂψ δ᾽ ὁ πάις πρὸς κόλπον ἐυζώνοιο τιθήνης</l>
<l n="468">ἐκλίνθη ἰάχων, πατρὸς φίλου ὄψιν ἀτυχθείς,</l>
<l n="469">ταρβήσας χαλκόν τε ἰδὲ λόφον ἱππιοχαίτην,</l>
<l n="470">δεινὸν ἀπ᾽ ἀκροτάτης κόρυθος νεύοντα νοήσας·</l>
<l n="471">ἐκ δ᾽ ἐγέλασσε πατήρ τε φίλος καὶ πότνια μήτηρ.</l>
<l n="472">αὐτίκ᾽ ἀπὸ κρατὸς κόρυθ᾽ εἴλετο φαίδιμος Ἕκτωρ,</l>
<l n="473">καὶ τὴν μὲν κατέθηκεν ἐπὶ χθονὶ παμφανόωσαν·</l>
<l n="474">αὐτὰρ ὅ γ᾽ ὃν φίλον υἱὸν ἐπεὶ κύσε πῆλέ τε χερσίν,</l>
<pb n="278"/>
<l n="475">εἶπεν ἐπευξάμενος Διί τ᾽ ἄλλοισίν τε θεοῖσι·</l>
<l n="476">»Ζεῦ ἄλλοί τε θεοί, δότε δὴ καὶ τόνδε γονέσθαι</l>
<l n="477">παῖδ᾽ ἐμόν, ὡς καὶ ἐγώ περ, ἀριπρεπέα Τρώεσσιν,</l>
<l n="478">ὧδε βίην τ᾽ ἀγαθὸν καὶ Ἰλίου ἶφι ἀνάσσειν·</l>
<l n="479">καί ποτέ τις εἴπῃσι 'πατρός γ᾽ ὅδε πολλὸν ἀμείνων᾽</l>
<l n="480">ἐκ πολέμου ἀνιόντα· φέροι δ᾽ ἔναρα βροτόεντα</l>
<l n="481">κτείνας δήιον ἄνδρα, χαρείη δὲ φρένα μήτηρ."</l>
<l n="482">ὡς εἰπὼν ἀλόχοιο φίλης ἐν χερσὶν ἔθηκε</l>
<l n="483">παῖδ᾽ ἑόν· ἡ δ᾽ ἄρα μιν κηώδεϊ δέξατο κόλπῳ</l>
<l n="484">δακρυόεν γελάσασα. πόσις δ᾽ ἐλέησε νοήσας</l>
<l n="485">χειρί τέ μιν κατέρεξεν ἔπος τ᾽ ἔφατ᾽ ἔκ τ᾽ ὀνόμαζε·</l>
<l n="486">"δαιμονίη, μή μοί τι λίην ἀκαχίζεο θυμῷ·</l>
<l n="487">οὐ γάρ τίς μ᾽ ὑπὲρ αἷσαν ἀνὴρ Ἄιδι προϊάψει·</l>
<l n="488">μοῖραν δ᾽ οὔ τινά φημι πεφυγμένον ἔμμεναι ἀνδρῶν,</l>
<pb n="279"/>
<l n="489">οὐ κακὸν οὐδὲ μὲν ἐσθλόν, ἐπὴν τὰ πρῶτα γένηται.</l>
<l n="490">ἀλλ᾽ εἰς οἶκον ἰοῦσα τὰ σ᾽ αὐτῆς ἔργα κόμιζε,</l>
<l n="491">ἱστόν τ' ἠλακάτην τε, καὶ ἀμφιπόλοισι κέλευε</l>
<l n="492">ἔργον ἐποίχεσθαι· πόλεμος δ᾽ ἄνδρεσσι μελήσει</l>
<l n="493">πᾶσιν, ἐμοὶ δὲ μάλιστα, τοὶ Ἰλίῳ ἐγγεγάασιν."</l>
<l n="494">ὣς ἄρα φωνήσας κόρυθ᾽ εἵλετο φαίδιμος Ἕκτωρ</l>
<l n="495">ἵππουριν· ἄλοχος δὲ φίλη οἶκον δὲ βεβήκει</l>
<l n="496">ἐντροπαλιζομένη, θαλερὸν κατὰ δάκρυ χέουσα.</l>
<l n="497">αἶψα δ᾽ ἔπειθ᾽ ἵκανε δόμους εὐναιετάοντας</l>
<l n="498">Ἕκτορος ἀνδροφόνοιο, κιχήσατο δ᾽ ἔνδοθι πολλὰς</l>
<l n="499">ἀμφιπόλους, τῇσιν δὲ γόον πάσῃσιν ἐνῶρσεν.</l>
<l n="500">αἱ μὲν ἔτι ζωὸν γόον Ἕκτορα ᾧ ἐνὶ οἴκῳ·</l>
<pb n="280"/>
<l n="501">οὐ γάρ μιν ἔτ᾽ ἔφαντο ὑπότροπον ἐκ πολέμοιο</l>
<l n="502">ἴξεσθαι, προφυγόντα μένος καὶ χεῖρας Ἀχαιῶν.</l>
<l n="503">οὐδὲ Πάρις δήθυνεν ἐν ὑψηλοῖσι δόμοισιν,</l>
<l n="504">ἀλλ᾽ ὅ γ᾽, ἐπεὶ κατέδυ κλυτὰ τεύχεα, ποικίλα χαλκῷ,</l>
<l n="505">σεύατ᾽ ἔπειτ᾽ ἀνὰ ἄστυ ποσὶ κραιπνοῖσι πεποιθώς.</l>
<l n="506">ὡς δ᾽ ὅτε τις στατὸς ἵππος, ἀκοστήσας ἐπὶ φάτνῃ,</l>
<l n="507">δεσμὸν ἀπορρήξας θείῃ πεδίοιο κροαίνων,</l>
<l n="508">εἰωθὼς λούεσθαι ἐυρρεῖος ποταμοῖο,</l>
<l n="509">κυδιόων· ὑψοῦ δὲ κάρη ἔχει, ἀμφὶ δὲ χαῖται</l>
<l n="510">ὤμοις ἀίσσονται· ὁ δ᾽ ἀγλαΐηφι πεποιθώς,</l>
<l n="511">ῥίμφά ἑ γοῦνα φέρει μετά τ᾽ ἤθεα καὶ νομὺν ἵππων·</l>
<l n="512">ὡς υἱὸς Πριάμοιο Πάρις κατὰ Περγάμου ἄκρης,</l>
<l n="513">τεύχεσι παμφαίνων ὥς τ᾽ ἠλέκτωρ, ἐβεβήκει</l>
<l n="514">καγχαλόων, ταχέες δὲ πόδες φέρον. αἶψα δ᾽ ἔπειτα</l>
<l n="515">Ἕκτορα δῖον ἔτετμεν ἀδελφεόν, εὖτ᾽ ἄρ᾽ ἔμελλε</l>
<l n="516">στρέψεσθ᾽ ἐκ χώρης, ὅθι ᾗ ὀάριζε γυναικί.</l>
<l n="517">τὸν πρότερος προσέειπεν Ἀλέξανδρος θεοειδής·</l>
<l n="518">"ἠθεῖ, ἦ μάλα δή σε καὶ ἐσσύμενον κατερύκω</l>
<l n="519">δηθύνων, οὐδ᾽ ἦλθον ἐναίσιμον, ὡς ἐκέλευες."</l>
<pb n="281"/>
<l n="520">τὸν δ᾽ ἀπαμειβόμενος προσέφη κορυθαιόλος Ἕκτωρ·</l>
<l n="521">"δαιμόνι᾽, οὐκ ἄν τίς τοι ἀνήρ, ὃς ἐναίσιμος εἴη.</l>
<l n="522">ἔργον ἀτιμήσειε μάχης, ἐπεὶ ἄλκιμός ἐσσι·</l>
<l n="523">ἀλλὰ ἑκὼν μεθιεῖς τε καὶ οὐκ ἐθέλεις· τὸ δ᾽ ἐμὸν κῆρ</l>
<l n="524">ἄχνυται ἐν θυμῷ, ὅθ᾽ ὑπὲρ σέθεν αἴσχε᾽ ἀκούω</l>
<l n="525">πρὸς Τρώων, οἱ ἔχουσι πολὺν πόνον εἵνεκα σεῖο.</l>
<l n="526">ἀλλ᾽ ἴομεν· τὰ δ᾽ ὄπισθεν ἀρεσσόμεθ᾽, αἵ κέ ποθι Ζεὺς</l>
<l n="527">δώῃ ἐπουρανίοισι θεοῖς αἰειγενέτῃσι</l>
<l n="528">κρητῆρα στήσασθαι ἐλεύθερον ἐν μεγάροισιν,</l>
<l n="529">ἐκ Τροίης ἐλάσαντας ἐυκνήμιδας Ἀχαιούς."</l>
</body>
</text>
</TEI>